( التعريف بالصورة .. حالة عشق لوني )
للمرة التانية من ساعة ما فتحت باب المدونة دي احس اني مضطر اسرق ..
بس الحمد لله ان صاحب البضاعة المرادي من رواد المدونة .. يعني هيتقبض عليا واخد جزائي ..
الكلام اللي في البتاعة اللي جاية دي حساس اوي وساذج وبسيط ...
يوصل على طول مطرح ماهو مفروض يوصل
من مدونة ضيفة خفيفة .. سرقنا الاتي :
علشان انا غلبااااان
وقلبي قلب خصايه
بتضحك عليا وتقلي كفايه
طاب ليه بتروح وتيجي معايا
نقعد علي القهوه وتشيش ويايا
يجي الشاي وتشرب معايا
اجيب الدومينو وتلعب ويايا
اروح المحاضره تيجي وراياا
اعاكس بنت الاقيك معايا
دلوقتى جاى تقول كفايا
داحنا اصحاب من واحنا ف الملايه
دانت ممكن تشوفنى لو بصيت ف المرايه
قوام قوام بتقول نهايه
مع انى ليك ذكرى ويايا
وحاجات عشناها ملهاش نهايه
وانا اعمل ايه !!
منا قلبى قلب خصايه ..
( لو عجباك قول ما تتكسفش )
هناك 4 تعليقات:
امسك حرامى
امسك حراااااااااااااااامى
انا ضيفه خفيفه ازاى متعرفوش
هو اكمنى غلبانه ولوحدى ومحدش معايا تخطف بوستى كده
طب كونت قول لى
وانا كنت قدمته هديه
على العموم فى البحر سمك بيعوم
بس خد بالك بق
انا مش هعاملك بنفس معاملتك
بس ياسيدى البوست بتاعى ازداد بريقا
لما جه فى مدونتك الكريمه
وسماح المره دى بس المره الجايه
مش هتنزل ابدا (وش بيغمز)
فجأتنى بكلامك
المره دى متهيالى بقيت تقبله ولا ايه
ههههههه
اتقبض عليا اخيرا ...
بالعكس .. البوست بتاعك هو اللي نور المدونة عندي بجد ..دا كفاية ذوقك
انبسطت بالكومنت بتاعك .. ومافهمتش اخر سطرين
الصورة مالهاش حل الوانها خياليه
ومكنش هيبقالها اسم احلى من ده
((حالة عشق لوني)))
مس نجوى .. ازيك يا ستي ؟؟ فينك انا افتكرك نسيتي سكة المدونة بتاعتي وتهتي وانتي جاية ..
ميرسي على ذوقك وتعليقاتك في الصميم بجد
اللي بيفهمو داخلين المدونة
واحنا معاهم
إرسال تعليق