الكلمة داخل المربع الاحمر ( نوما هنيئا لاطفالكم )
ملحوظة ( 1) .. كارت الدعوة دا طبعا مش مصري
ملحوظة ( 2) .. مصر هي الدولة الوحيدة في العالم اللي بيعتقد اهلها ان حفلات الزفاف
مكان مناسب لحضور الاطفال .. على اساس انه فرح !! .. خلي العيال تنبسط
لله الامر من قبل ومن بعد ..
..................................................
مش محتاج احكي كتير عن ضحية النهاردة ....
لانه مش ضحية واحدة ..
هما ضحاااايا ..
ايه اللي يخليني كأب او كأم اخد طفلي معايا وانا رايح حفلة زفاف ؟؟؟
اديني سبب واحد يخليك تعمل كده ....
بلاش ...
ليه لما باخد طفلي معايا مش بأمره يقعد جنبي ساكت عشان ما يبوظش الفرح ؟؟
بلاش ...
ليه اما طفلي بيقوم يعمل كل حركات النينجا وتوم وجيري في قاعة الزفاف دا مش بيحركني ؟؟
بلاش ..
ليه بزعل وبتحمق اوي اما احس ان حد زعق فيه .. وممكن ابوظ الفرح وش لو حد زقه او ضربه ؟؟
بلاش ..
ليه اصلا انا الوحيد في الفرح ده اللي مش حاسس ان ابني شقي وسخيف ودمه تقيييييييل ؟؟
بلاش ..
ليه لما طلعت اتصور خدت الطفل ( الحيوان ) ده معايا واصريت انه يتصور على حجر العروسة او العريس ؟؟
هل دا ابنهم من علاقة غير شرعية قبل الزواج مثلا ؟؟
بلاش ...
ليه لما حسيت ان الواد عرقان ومبهدل نفسه بالساقع والشيكولاته وحتى ايديه وسخة ما خفتش على بدلة العريس ؟؟
او فستان العروسة ؟؟
منتهى ال.............
---------------------------------------------------
عموما .. انا النهاردة خلاص فاض بيا ..
مش قادر اتصور ان البيست اللي في وسط قاعة الفرح تحول من منظر جميل وهو فاضي .
. ومكان للعروسين يرقصوا فيه ..
الى حوش حضانة ...
الاطفال بيتنططو فيه بشكل عشوائي منفر..
مش طايق منظركم ..لذلك ..
قررت ارقص بالعصاية ..
شغللي يا بني مزمار بلدي ..
هرقص فين ؟؟
في وسط البيست طبعا
-----------------------------------
دي كانت اول مرة المستشفى الاميري يستقبل نفس الحالة 28 مرة مع بعض
طفل مصاب بشرخ في الجمجمة واشتباه ارتجاج..
----------------------
يا خسارة ..
دنا بموت في الاطفال .. دا الاطفال دول احباب الله
ماعلينا ..
الفرح لسة شغال ..
ساقع هنا يابني على روح شهداء البيست ..
اتفضلو اتفضلوا ..
عقبال اولادكم جميعا
--------------------------------------------
هناك تعليقان (2):
فوزيرك .. ملهاشششش حل
انا اتفشخت ضحك على الواد بتاع ال
worm
وعجبتني فركــ حلقه الواد الدواسه
لو اتصورت بكاميرا فيديو او سناب شوت حتى .. هتعمل شغل
تى لو صورنا كده بعض المواقف خلسه وعرضناها .. زي الدواسه .. مليين الشوارع
او صورنا الوورم..هههه
متعه
وكمان حلقه العيال الصغيره .. هتكون سرحان الى القمه
وبالنهايه نختم بمقوله الفنان .. الرجل الاخضر سابقا وواحد من الناس حاليا..
دع العقل جانبا وتمتع بالدلاخــه
تسلم يابو مهماز
إرسال تعليق